قرّر دكتور جيلبير المجبّر يحفر الفرحة قبل عيد مار شربل بحوالي 3 أسابيع تقريبا سنة 2021 …….

اسمو ع وسع الكون، عملاق من لبنان للعالم، بلّش رحلتو من عمشيت وحبّ انو مش بس يزور الكفور ولكن يستوطن فيها، وهو الي بيزور كل ضيعة وبكل بيت الو معزّة مميّزة.

مار شربل بلّشت رحلتو من عمشيت بمحبّة نحّات وأنامل بتعلّم الحجر يحكي، فكيف اذا كان المحفور بقلوب كل الناس وفايت ع بيوتها هو أعظم قدّيس.

هيك قرّر دكتور جيلبير المجبّر يحفر الفرحة قبل عيد مار شربل بحوالي 3 أسابيع تقريبا سنة 2021 ويعمل تاكسي الخير ليطلب تنفيذ التمثال ولينقل تمثال طبيب السما، الّي بيفتح ليلة عيدو باب السما بعد ما عبّد اوتوستراد من عنّايا ذهابا وايابا بين رب السموات والناس الطيبين بصلواتو.

من فرنسا بلّشت الحكاية وتعانقت مع عمشيت بلبنان، والشغل انطلق على قدم وساق لأنّو مار شربل قدّيس القدّيسين قرر يسكن بالكفور بشكل دايم.

هيك بلّش عملاق القداسة رحلتو ليسكن حدّ أعظم أم بالتاريخ البشري، أم الله، حبيبة قلب القديس بعد الله الّي كان يكرّمها من هو زغير، رحلة اشتغل فيها اشخاص كتار من المحترف بعمشيت وصولا للكفور.

وبتضافر الشباب ورجال الضيعة الي ساعدوا بكل جهودن ليركب التمثال عالمنصة بعد شغل بشكل سريع وبوقت قصير.

شكر لمار شربل الّي استعمل رسول المحبّة السفير المجبّر ليوصل على هالضيعة الزغيرة بجنوب لبنان ويسكن فيها بشكل دايم ويصير المكان مزار ومقصد لبيت الله وسيّدة النجاة العجائبيّة، وزيارة لشربل الرافع ايدو للبركة جاهز دايما للاستقبال، انت ميّل وطلوب شفاعتو وكمّل عند العدرا ببيت ابنها وصلّي المسبحة وما رح تشوف الا العجايب والنِعم عم تتدفّق.

شكر لمار شربل الّي سكن بهالضيعة ليوطّد فعلا أواصر الالفة والمحبّة بين المسيحيين والمسلمين، وشكر للجنة الوقف بمعيّة الخوري يوسف سمعان والخوري جورج قليعاني الّي تجاوبت وبشكل سريع ليصير الحلم حقيقة.

اذا الله والعدرا ومار شربل معنا يعني انو لبنان وشعبو بكافة أطيافو مش منسيين ولن يكون كذلك ابدا.