بقلم : لينا قاروط : الحياة والساعات بتوقف ونحنا عم ننهش بعض ….. واليوم موت ” الفنان جورج الراسي “

اوقات منحزن اوقات منتعب واوقات منكره بعض ….. صراعات منعيشها وهي عم تكبر فينا يوم بعد يوم ….. وخلال الازمه قلي عم نعيشها عم نأكل بعض وعم ننهش بعض وعم ننسى انو في الله سبحانه وتعالى شايفنا … لتجي اليوم صدمه موت ” الفنان جورج الراسي ”

صباح السبت فقنا على هيدي الخبريه …. انسان كان عايش معنا و بلحظه ربنا اختاروا ليكون بالسما …. فجأه الحياة بتقلك وقف …. الساعات وقفت …. والانفاس وقفت …. لانو ربنا كاتب بهيدي اللحظه وبهيدي الساعه الحياة بدها توقف ….. مواقع التواصل الاجتماعي تبنو هيدا الخبر وبلشو بالتشهير انو في معو فتاة توفت ومين هي … وشو هويتها …
بس كرمال يزيدوا نسبة المشاهده…. حتى حرمة الموت انسيناها …. نسينا الاخلاق ونسينا القيم ونسينا انو في رب كريم بدوا يحاسب …..
يا رب خلص شعبك من الجحود قلي هوي في ….
تقرير : لينا قاروط