هاجمت المخرجة ريما الرحباني ابنة الفنانة اللبنانية العظيمة فيروز والفنان اللبناني الكبير عاصي الرحباني، الفنانة مايا دياب بسبب ادائها عدد من اغنيات السيدة فيروز الوطنية.
وقالت في منشورٍ طويل نشرته عبر حسابها الشخصي على موقع “فيسبوك”: “تتكمل اللوحة التاريخيّة فجأة وبحجّة إنفجار المرفأ، ما عاد نعرف منين بدا تجي الضربة! من هاروت لعبير لمايا لغايا لآيا حفلة رايحة حفلة غايا… كل كبت الفنانين من كورونا والزربة بلا شغل فلتت علينا إلنا بفرد ضرب وعلى أغاني فيروز! وآخرن أوّل مبارح يبدو”.
واضافت : “يا ريتني ما شفت! يا شيخة اعتمديلك شكل تنعرفك فيه والله ما عرفتك! ساعة بتنفخّي ساعة بتنفسّي. بعدين عفواً يعني مينك انت تتقرّري أيمتى ووين محلُّن هولي الأغاني؟ وتعطينا درس بالأخلاق حشاكِ! بتعرفيها إنت للأخلاق؟”
واردفت : “روحي يا عيني إرجعي لمطرحك إنت! وطني قال! شو هال وطني اللي ناقصا تحيّة كاريوكا كان!… كوكتيل سايط طبلة وطبل من العيار الكبير. شو بدّو يحكي الواحد بهدلة ما صار ولا بيصير متلا”.
وتابعت: “عيني بعد إذنك تتقدري تشكري كل شخص وقف على هالسين! اللي ما بتعرفي إسما بالعربي وقدّم حالو! بدّك انت تكوني مقدّمة شغلك وحالك! مش مقدّمة شغل غيرك يا متسلّقة على أمجاد الآخرين فهمتي كيف؟”
وواصلت : ريما الرحباني في هجومها: “قال تحية منها للبنان وإهداءً لأرواح الذين سقطوا في تفجير بيروت في ٤ آب، شو هالمجزرة هيدي؟ شو هالعهر الفني! هيدا ياه بالزبط العهر الفنّي اذا حدا مضيّعو”.
وهاجمت الرحباني في منشورها أيضاً “قناة المر” mtv حيث اطلت دياب وقدمت على طريقة الميدلي ريمكس للفنانة اللبنانية الكبيرة فيروز، بمناسبة مرور أربعين يومًا على انفجار بيروت.
تقرير : لينا قاروط
